هاليومين انا شايف بعض تصرفات الشباب مختلفة مادري وش عندهم ؟.. أشوفهم اغلبهم ماسكين تليفوناتهم ومايدرون وين الهواء دار فيهم .. اللهم يا كافي واحده يمشي مثل المجنون تعلق عليه هرن سيارتك عشان يفتح لك الطريق وعيونه عليك كبر الفناجيل جنك مو عاجبه .. هذا غير اللي يدعم البيبان جنه عماء ماغير يناظر جهازه اللي بيده تقل يدور له شي مضيعه !.. تكفون ياشباب اللي عنده خبر يلحقنا فيه .
المعاق : ياعم هاليومين العالم مالها غير سالفة لعبة البوكيمون اللي غزت العالم من أسبوع بس !.. ويتابعها الملايين من البشر بالعالم .. انتشرت بشكل كبير جداً وصارت هي الأولي ولها جمهور يفوق الوصف .
الرجل : وش تطلع لعبة البوكيمون هذي ؟.
الشاب : اسمها البوكيمون جو وتنزيلها لازم يكون عندك حساب أمريكي واللي ماعنده المحلات تنزلها له بفلوس وهي تخلي العالم الطبيعي حولك وكأنه عالم البوكيمون وتجعلك تجمع شخصيات المسلسل الكرتوني الشهير في رحلات لأماكن مختلفة بالبلد لتجمع البوكيمون ( صاروا مثل السكارى في الشوارع ) والحصول على كرات جديدة .. ويقول اَهلها انها تدخلك في تحديات ومباريات مع أصدقائك لتحديد البوكيمون الأقوى والانتقال لمراحل متقدمة مثل اللي بالمسلسل الكارتوني الشهير .
الشايب : الله يستر من تاليتها !.. لأَنِّي شفت الشباب عيونهم طايرة مايدرون عن اللي حوالينهم واتوقع بكرة نسمع عجب العجاب من حوادثها المميتة وان غدا لناظرة لقريب !.. والله حاسس ان هاللعبة ورآها سر الله العالم فيه ان ما صدر قرار حكومي بوقفها عند حدها .
الخبير : يا سبحان الله اسمعوا الواتساب اللي جاني دلوقتي بيقولك فيه أحد الإخوة المصريين مهندس برمجة وهاكر بميكروسوفت بأمريكا لمن لا يعرف أبعاد هذه اللعبة فهى عبارة عن لعبة تعمل بـ أل جي بي اس تبحث عن بوكيمون وعلامات على أرض الواقع تتحرك بالكاميرا.. تاخذك بالخريطة لأماكن كثيرة وتجبرك على التحرك بها .. وهذه اللعبة فيها خطوره كبيرة جدًا ويحذر من تحميلها لانها تجعل الشخص يصور كل الأماكن بدون أن يشعر .. تبدأ من منزله الشخصي حتى تخرج به لأماكن أثرية وحيوية وشدة انجذابه لها لا أراديا يجعله شبه جاسوسا من حيث لا يعلم .. يتخيل أنه يلعب وفى الحقيقة يتجسس فهو يصور كل ما حوله من أناس وأماكن وغيره .. وهذا التصوير متصل مباشرة بسيرفر اللعبة وكله يتم تسجيله !.. فيصبح من يلعبها جاسوسًا مجانيًا لا يحتاج تدريب ولا غيره فهو يقدم لهم ما يلتقطه على طبق من فضة .. وأبدى هذا المهندس خوفه الشديد من هذه اللعبة وأبعادها ويحذر منها بشدة ويقول شرح موضوعها كبير جدا والناس لن تستوعب مدى خطورتها.. ولكن يجب على الآباء تنبيه أبنائهم من خطورتها فهذه حرب جديدة من حروب الجيل الخامس .. وقبل ما اختم لعبة البوكيمون القديمة قد تم تحريمها منذ 15 عاما .. وقد تحدث وكيل الأزهر الشريف الشيخ عباس شومان وعضو مجمع البحوث الإسلامية بالأزهر الشريف الشيخ محمد الشحات الجندي عن اللعبة الجديدة مؤكدين علي أنها مكروهة .. وقد يصل الأمر إلي أن تكون اللعبة محرمة شرعاً في حالة أنها تلهي الشخص علي الواجبات الشرعية عليه مثل الصلاة وغيرها من العبادات .. ومن الممكن ان تكون خطر علي الإنسان خاصة ان هناك البعض يمشون في الشوارع مثل السكاري والمجانين دون أي تركيز .
الرجل : الله يستر على عيالنا ومنا الي الحكومة الموقرة بايجاد حلول للمشكلة قبل ان تستفحل الأمور وتطيح الفاس بالراس اللهم انا بلغنا اللهم فاشهد .
المتمولس : الإسباني اذا تهاوش مع هندي يقوله لا تخليني اسفرك !.. سفر روحك اول وعقب سفر الاوادم .. وفي هذه الأثناء رفع الشيخ زغلول على مسامعنا اذان الظهر
أضف تعليق